(مهڕۆ)
سوره گوڵ نێو دڵەکـــەم پڒ غەم و شەیدایە، مەڕۆ
زۆر بەرینه خەفەتم هـــــەر وەکوو دەریایه، مەڕۆ
شێتـــــــم و دەربەدەرم ، مــــن وەڕەز و دێوانەم
بهرههمی ئهو سەفـهرەت، ماتهمە غەوغایه، مهڕۆ
خۆت ئەزانی نیه کـــهس چارەیی چـارم بێ گوڵم
رۆژی من ئێسته، له ژێر ماتــــەم و تەم دایه، مهڕۆ
مه یلی تۆ ئاوری خستـــــــــۆته دڵــی سـەر شێتم
بۆیه پڕ گـــــــــرفەیه، وەک ئاگـــر و گڕ وایە، مهڕۆ
من لە سوێت وهخته دڵم، لەت لەت و سەدپارە ببێ
نەفەست بۆ منـــــــــــــی دێوانه مەسیحایه، مەڕۆ
بەسه ئهو ڕێگــــــــەیه مهبڕه گوڵی بێ وێنە وەره
تۆ دهڕۆی بۆیه، دڵـــم وا دژی ڕێگــــــــــایه، مەڕۆ
وهختێ ساتێکی بە ساڵێکە کــه لێم دوور دەکەوی
مردنه چارەیی ئەو شاعیـــــــــــــرە ڕیسوایه، مەڕۆ
بێ سنووره غــــهمی من کاتێ دهچـی بۆ سەفهرێ
ژینــــــی (سووتاو)ی ئهوینت لە دەسی دایە، مەڕۆ
#سووتاو